Giimbestigahan karon sa St. Luke’s Medical Center ug National Privacy Commission (NPC) ang posibleng data breach sa mobile application sa ospital nga mahimong nakakompromiso sa personal nga impormasyon sa mga tiggamit niini.
Gikumpirma ni NPC Deputy Privacy Commissioner Jose Belarmino II nga nakadawat sila og breach notification niadtong Oktubre 30.
Gikuha na sa operasyon sa St. Luke’s ang maong application ug nagkuha og independent cybersecurity experts aron mahibal-an ang hinungdan ug gilapdon sa insidente.
Gipasalig sa ospital nga wala maapektihi ang Electronic Medical Records ug ubang clinical systems niini, ug direktang pahibal-on ang mga posibleng naapektuhan.
