Subling nanawagan ang Malacañang ngadto kang Senador Ronald “Bato” dela Rosa nga boluntaryong mutahan ug di magsilbing dautang ehemplo sa ubang mga tawo nga adunay warrant of arrest nga nagtago-tago karon sa mga awtoridad.
Kini nga panawagan subay sa gipagawas nga 50 milyones pesos nga ganti sa Department of the Interior and Local Government (DILG) alang sa bisan kinsa nga makatabang sa pagdakop sa senador.
Gihatagan usab siya sa Philippine National Police (PNP) og usa ka semana nga lugway aron mutahan, samtang giila siya ni Interior Secretary Jonvic Remulla nga “armado ug delikado.”
Matod pa, mas maayo ang boluntaryong pagsurender aron dili na kinahanglang molihok pa ang mga pulis. Bisan pa niana, gipasalig sa Palasyo nga padayong pangitaon sa mga awtoridad si Dela Rosa kung dili kini mosunod sa maong panawagan.
Si Dela Rosa nag-atubang karon og warrant of arrest nga giluwatan sa International Criminal Court (ICC) may kalabutan sa kampanya batok sa ilegal nga drugas sa administrasyon ni kanhi Presidente Rodrigo Duterte.
Si Duterte kasamtangan na karong natanggong sa The Hague, Netherlands samtang naghulat sa iyang pagsulay alang sa kasong crimes against humanity
Photo Courtesy: Plataforma Media
