Mopahulay og labing menos 6 ka semana si Utah Jazz forward Jaren Jackson Jr. human makaangkon og grabeng injury sa iyang tuong tuhod atol sa duwa batok sa Memphis Grizzlies sa NBA.
Matud sa Utah Jazz, nagisi ang medial collateral ligament o MCL sa tuhod ni Jackson, nga hinungdan sa iyang temporaryong pagkawala sa aksiyon.
Nasamdan usab si Lauri Markkanen sa iyang tuong pulso ug padayon pang gibantayan ang iyang kondisyon matag adlaw. Nahitabo ang duha ka injury atol sa kapildihan sa Utah Jazz batok sa Memphis Grizzlies, 110-105.
Si Jackson, nga 2023 NBA Defensive Player of the Year, susihon pag-usab sa mga doktor human sa 6 ka semana.
Photo courtesy: Instagram
