Gipakita sa aktres nga si Iza Calzado ang dakong kalipay ug garbo sa talento sa iyang anak nga si Deia Amihan, human kini makapahingangha sa iyang performance sa pagkanta. Sa Instagram post niadtong Oktubre 25, 2026, gipakita ni Iza ang video sa iyang anak nga nagkanta sa “Reflection,” usa ka awit gikan sa Disney movie nga Mulan.
Matud sa aktres, wala niya tudloi ang anak sa mga lihok ug ekspresyon atol sa performance. Mas nahimong emosyonal ang higayon dihang nahinumdoman ni Iza ang iyang namatay nga amahan nga si Lito Calzado, kinsa usa ka choreographer ug director.
Gilauman ni Iza nga padayon nga mapalambo ni Deia ang iyang talento, samtang andam siyang mosuporta isip usa ka mapinanggaong inahan.
Photo courtesy: Star Update PH
