Hapit na usa ka semana nga anaa sa Intensive Care Unit o ICU sa Asian Hospital and Medical Center sa Muntinlupa City ang komedyanteng si Ate Gay, o Gil Aducal Morales sa tinuod niyang ngalan, human mosamot ang komplikasyon sa iyang kanser.
Sa pahayag sa iyang pamilya niadtong Oktubre 27, miabot na sa P2,435,218.96 ang bayronon sa ospital. Tungod niini, nangayo sila og pinansyal nga tabang alang sa padayong pagtambal sa komedyante.
Nagpasalamat usab ang pamilya sa tanang mitabang ug nangayo og mga pag-ampo alang sa iyang pagkaayo. Gihimo kini human sa “Celebration of Life” nga gipahigayon alang kang Ate Gay samtang buhi pa siya.
Photo courtesy:PEP.ph
