Gipasilip sa singer nga si Yeng Constantino ang ilang bag-ong balay sa bana nga si Yan Asuncion, nga usa na ka tuig nga gipatrabaho. Pinaagi sa iyang YouTube vlog, gipakita ni Yeng ang upat ka andana nga balay nga adunay home office, walk-in closet, sala, kusina ug master’s bedroom nga nag-atubang sa maanindot nga kabukiran.
Aduna usab kini garden ug luna nga butangan og mga kagamitan sa pag-ehersisyo. Matud ni Yeng, dako kini nga panalangin alang kanilang magtiayon, ilabina karong nagsaulog siya sa iyang ika-20 ka tuig sa industriya sa kalingawan.
Gipasalamatan usab sa singer ang Diyos sa ilang bag-ong panimalay.
Photo courtesy: Yeng Constantino YouTube
