Gipalig-on sa Mandaue City Health Office ang kampanya batok sa teenage pregnancy human mikabat na sa 185 ang natala nga kaso sa dakbayan karong tuiga, bisan wala pa mahuman ang 2026. Base sa datos miabot sa 190 ang mga kaso niadtong 2025, nga naglakip sa mga batan-on nga nag-edad og 12 hangtod 19 anyos.
Matod ni Safe Motherhood Program Coordinator Dr. Irah Flores, dakong tabang ang Buntis Congress nga gihimo sa nagkadaiyang barangay aron mahatagan og saktong kahibalo ang mga batan-on bahin sa responsableng panglawas ug paglikay sa sayong pagmabdos.
Samtang, sa Barangay Banilad, gihingusgan usab ang pagpadayon sa pag-eskwela sa mga batan-ong namabdos pinaagi sa modular learning aron dili maputol ang ilang edukasyon.
Photo Courtesy: World Vision Philippines
