Nadakpan ang usa ka 53-anyos nga lalaki sa buy-bust operation sa mga anti-illegal drug operatives sa Sitio Mahayahay, Barangay Sonog, San Francisco, Cebu diin nasakmit ang gituohang shabu nga nagkantidad og ₱17,136 ug usa ka .38-caliber nga rebolber.
Narekober sa operasyon ang unom ka pakete sa gituohang shabu nga may gibug-aton nga 2.52 gramos, lakip ang rebolber nga kargado og duha ka buhing bala.
Atubangon sa suspek ang mga kasong kalabot sa giingong paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002, ug Republic Act No. 10591 o Comprehensive Firearms and Ammunition Regulation Act.
Photo Courtesy: PNP Cebu Police Provincial Office
