Mihakot og walo ka bulawang medalya, 13 ka pilak ug siyam ka tumbaga ang Dancesport Team Cebu City kon DTCC sa PDSFI 4th Quarter National Dancesport Championships 2026 nga gipahigayon sa Ninoy Aquino Stadium sa Manila .
Nag-una sa kampanya sila Francis Isaiah Diluvio ug Pauline Venice Duba nga nakakuha og duha ka bulawang medalya sa Grand Slam Rising Star A Latin ug Special Event 1A Latin.
Misidlak usab ang Southeast Asian Games gold medalists nga sila Wilbert Aunzo ug Pearl Marie Caneda human midaog sa Grade A Latin ug nakakuha og pilak sa SEAG Latin.
Lakip usab sa mga nagbalon ug bulawang medalya sila Shardie Abellana ug iyang asawa nga si Marjorie, Kharl Michael Minoza ug Ashley Cullo, RodreYan Rodriguez ug Arianne Mae Generalao, DTCC co-founder Eleanor Hayco kauban si Anselmo Estillore Jr. ug Marlon Alino ug Lucy Hamilton.
Ang resulta nagpakita sa lig-on nga kampanya sa mga mananayaw sa dakbayan sa Sugbo batok sa mga kaatbang gikan sa nagkalainlaing bahin sa nasud.
Photo Courtesy: Cebu Daily News
