Gipalig-on sa Hagonoy Municipal Police Station, kauban ang Highway Patrol Group Davao del Sur, ang operasyon batok sa illegal drag racing sa Barangay Guihing, Hagonoy, Davao del Sur, alas 4:45 sa kadlawon, Oktubre 28, 2026.
Kini human nakadawat og sumbong ang kapulisan gikan sa usa ka concerned citizen bahin sa lumba sa motorsiklo sa maong lugar. Sa pagresponde sa mga otoridad, daling nangikyas ang mga batan-ong nalambigit ug gibiyaan ang ilang mga motorsiklo.
5 ka motorsiklo ang narekober ug gidala sa Hagonoy Municipal Police Station alang sa dokumentasyon ug dugang imbestigasyon. Nagpahimangno ang kapulisan nga likayan ang illegal drag racing tungod sa peligro niini sa kinabuhi ug kaluwasan sa publiko.
