Mapasagarbong gidawat sa Kagamhanang Lokal sa Toledo, pinaagi sa City Assessor’s Office ug City Treasurer’s Office, ang First Sikatuna Award atol sa gipahigayon nga Pasidungog sa Siete 2026: Abante Siete.
Kini nga pasidungog, nga gitunol sa Bureau of Local Government Finance (BLGF) ubos sa Department of Finance – Region VII, nag-ila sa talagsaong paningkamot sa maong duha ka buhatan sa pagpadako sa kita sa dakbayan alang sa Fiscal Year 2025.
Nalabwan sa Toledo City ang ilang LGU Revenue Performance Target human makakuha og katingalahang 221.99% efficiency rating sa Real Property Tax (buhis sa yuta ug balay) ug 110.11% sa Business Tax (buhis sa negosyo).
Tungod niini, napamatud-an sa dakbayan ang maayo ug epektibo niining sistema sa pagkolekta sa buhis nga dakog tabang sa mga proyekto alang sa mga Toledonhon.
Photo Courtesy: Toledo City Public Information Office
