Gipasidunggan ang mga personalidad sa telebisyon ug pelikula sa ika-28 nga Gawad PASADO o Pampelikulang Samahan ng mga Dalubguro nga gipahigayon niadtong nakalabay nga adlaw sa Abbot Lopez Hall sa San Beda University, Mendiola Street, Manila.
Gipili si Coco Martin isip PinakaPASADOng Aktor sa Telebisyon alang sa iyang pagdala sa seryeng FPJ’s Batang Quiapo, nga nakadaog usab isip PinakaPASADOng Programa.
Samtang si Kaila Estrada ang gipasidunggan usab sa PinakaPASADOng Aktres sa Telebisyon alang sa iyang pag-apil sa seryeng Incognito. Sa iyang gipadalang video message, nagpasalamat siya sa pag-ila sa iyang trabaho ug gihisgotan usab ang teleseryeng What Lies Beneath.
Nakadawat usab og espesyal nga pasidungog si Romnick Sarmenta isip PinakaPASADOng Guro, samtang si Angelu de Leon ang PinakaPASADOng Lingkod-Bayan. Si Will Ashley usab ang napili isip PinakaPASADOng Dangal ng Kabataan.
Gipasidunggan usab si Ed Lingao isip PinakaPASADOng Mamamahayag sa Larangan ng Kamalayang Pilipino sa Radyo at Telebisyon. Apan wala siya makatambong sa seremonya tungod kay anaa siya sa trabaho sa gawas sa siyudad.
Photo Courtesy: Latest chika
