Gihapak sa kusog nga mga bagyo ang amihanang bahin sa Europa, hinungdan sa pagkawala sa kuryente sa kapin 150,000 ka panimalay, pagkansela sa ginatos ka flights ug pagkabalda sa komunikasyon.
Nagtala og hangin nga mikusog hangtod 135 kilometros matag oras sa Scotland, nga nakapukan sa mga kahoy ug poste sa kuryente. Grabe usab ang epekto sa bagyong Boelo ug Austen sa Britain, France ug Germany, diin liboan ka residente ang naapektuhan.
Sa Germany, duha ka tawo ang grabeng nasamdan, samtang nabalda ang operasyon sa mga airport sa Netherlands ug Britain. Nagpadayon ang pag-ayo sa mga linya sa kuryente samtang nagpasidaan ang mga eksperto sa posibilidad sa dugang kusog nga panahon.
Photo courtesy: FMT
