Gipahigayon ang motorcade sa Dipolog City District Jail–Male Dormitory, kauban ang Dapitan City District Jail ug Dipolog City Jail–Female Dormitory, karong adlawa, Oktubre 26, 2026, isip pagsugod sa ilang pagsaulog sa National Correctional Consciousness Week o NACOCOW 2026.
Gikan sa Dipolog City District Jail, mibiyahe ang motorcade padulong sa D’Food Hub sa Dipolog Boulevard. Human sa motorcade, gisundan kini sa usa ka zumba activity isip kabahin sa ilang kalihokan sa pagsaulog.
Tumong sa maong kalihokan nga ipahibalo sa publiko ang pagsaulog sa NACOCOW ug ipakita ang suporta sa mga Persons Deprived of Liberty o PDL, lakip ang pagpalambo sa kahibalo sa komunidad bahin sa mga programa ug paningkamot sa BJMP alang sa mga PDL’s.
