Nagpasundayag sa ilang nagkalain-laing talento ang mga babayeng Persons Deprived of Liberty o PDL sa Digos City District Jail Female Dormitory, atol sa gipahigayong Variety Show karong Oktubre 26, 2026. Kabahin kini sa selebrasyon sa National Correctional Consciousness Week o NACOCOW 2026, nga gipahigayon sa Multi-Purpose Area sa maong pasilidad.
Ubos sa pagpanguna ni Jail Warden JCINSP Ellen Rose Saragena, gipakita sa mga PDL ang ilang abilidad pinaagi sa nagkalain-laing pasundayag. Tumong sa kalihokan nga mapalig-on ang ilang pagsalig sa kaugalingon, panaghiusa ug personal nga kalamboan. Gihatagag importansya sa maong programa ang rehabilitasyon ug pag-andam sa mga PDL alang sa ilang pagbalik sa katilingban.
