Patay ang 16 ka indibidwal samtang 32 ang naangol human miigo ang linog nga may magnitude-7 sa rehiyon sa Tibet, habagatan-kasadpang bahin sa China, alas 10:33 sa gabii niadtong Huwebes, sumala sa taho. Sa mga naangol, 11 ang anaa sa seryosong kahimtang samtang 21 ang nakaangkon og gagmayng samad.
Sumala sa taho, ang sentro sa linog nahimutang sa Nagqu, amihanang Tibet, nga may giladmon nga 10 kilometro. Ang kusog nga pag-uyog nakapukaw sa mga residente ug nakapahinabo og mga liki sa pipila ka balay duol sa sentro sa linog. Ang linog gikonsiderar nga pinakakusog nga miigo sa China sukad Enero 2024.
Gipalihok na sa lokal nga mga awtoridad ang mga bombero ug rescue team aron motabang sa mga apektadong lugar. Human sa nag-unang linog, natala usab ang sunod-sunod nga gagmayng pag-uyog nga may magnitude-3 ug magnitude-4 sa kasikbit nga mga rehiyon. Gipadayon ang pagmonitor sa kahimtang sa lugar ug sa mga residente nga naapektuhan sa kalamidad.
Photo courtesy: Xinhua
