Giturn-over na sa Municipal Social Welfare and Development Office o MSWDO sa Opol ang mga bata nga nalambigit sa insidente sa gidudahang pagdala og pusil sa Barra Elementary School, alang sa tukmang intervention.
Matod ni PMaj Geraldine Butanas, Spox sa MisOr PPO nga maghimo sila og angay ug epektibong plano aron malikayan nga mausab ang susamang insidente ug malikayan usab nga malambigit ang mga bata sa kagubot.
Mahinumdoman nga, napugngan ang giplanong pagbalos unta sa pipila ka bata batok sa ilang school mate, human makit-an ang usa ka kalibre .22 Magnum nga pistola nga adunay lima ka bala sulod sa bag sa usa ka estudyante. Gipailalom na sa tukmang proseso ang mga bata alang sa ilang kaayohan ug kaluwasan.
Photo courtesy: Brgy. Barra, Opol, Misamis Oriental
