Patay ang usa ka lalaki human napaakan og banakon sa bukirang bahin sa Kiola, Barangay Goma, Digos City. Giila ang biktima sa ngalan nga Esming, nga napaakan sa ulo sa maong bitin, base sa Facebook post ni Paul Castillo Gani.
Sumala sa Facebook post ni Jerick Villegas, gipahimangnoan ang mga residente nga magdoble sa pag-amping tungod sa pagpakita pag-usab sa banakon sa ilang lugar.
Samtang, nanguna ang Barangay Goma Government ubos sa pagpangulo ni Kapitan Jimmy Aldaba sa pagkuha sa patayng lawas sa biktima. Gidasig usab ang publiko nga magmatngon aron malikayan ang susamang insidente.
