Nagsugod na ang Social Security System (SSS) sa pagpamuhunan sa gawas sa nasud human kini migahin og $200,000 sa US government Treasuries.
Sumala kang SSS President ug CEO Victor Limlingan, gitinguha sa ahensiya nga madugangan ang pondo sa mga pamuhunan sa gawas sa nasud ngadto sa lima ka porsiyento sa Investment Reserve Fund sa 2027.
Gawas sa US Treasuries, gitun-an usab sa SSS ang pagpamuhunan sa mga kompanyang naghatag og taas nga dibidendo, ingon man sa yuta, imprastraktura ug ubang kabtangan.
Sa kataposan sa ikatulong kwarter, miabot sa ₱1.3 trilyon ang kinatibuk-ang portfolio sa pamuhunan sa SSS, samtang nagpadayon ang pagpalambo sa estratehiya niini aron mapadayon ang kalig-on sa pondo sa mga miyembro ug pensiyonado.
