Posibleng ipatuman sa Department of Agriculture (DA) sa unang semana sa Nobyembre ang temporaryong paglimitar sa pagpasulod sa imported nga karneng baboy sa Pilipinas, aron matabangan ang lokal nga mga magbababoy nga naapektuhan sa pagkunhod sa presyo sa ilang mga binuhi.
Kabahin sa gikonsiderar nga lakang ang pagsuspenso sa pag-isyu og import clearance sulod sa 30 hangtod 60 ka adlaw alang sa pipila ka pork cuts, lakip ang pork belly, jowls ug tibuok nga baboy.
Apan, nagkinahanglan pa kini og legal nga pagrepaso ug pagtugot sa ubang ahensya sa gobyerno. Base sa datos sa Bureau of Animal Industry, misaka og lima ka porsiyento ang importasyon sa karneng baboy sa nasud, nga mikabat sa 602,655 metric tons hangtod Agosto.
Gilauman nga ang posibleng paglimitar sa importasyon makatabang sa pagpanalipod sa lokal nga industriya sa pag-atiman og baboy ug sa panginabuhian sa mga magbababoy.
Photo courtesy:Asian Agribiz
