Gilauman nga makadawat og 7.2 milyones pesos nga pondo sa sunod tuig ang proyekto sa pagkongkreto sa karsada sa Barangay Libasan, padulong sa barangay Sasa sa lungsod sa Nabunturan, Davao de Oro, sumala kang Mayora Myrocel Balili.
Gipadayag kini sa mayor atol sa pagpahigayon sa 2026 LGSF-FALGA Food Assistance Rice Distribution Project sa maong barangay Oktubre 21, kon asa nanghtag sa tag napulo ka kilos nga bugas sa matag benepisyaryo.
Matud ni Mayor Balili, dugay nang gipangandoy sa mga residente ang maong proyekto tungod kay dili igo ang mga riprap aron masulbad ang problema sa karsada. Tungod niini, gilakip na sa gisugyot nga badyet alang sa 2027 ang pondo nga gamiton sa pagkongkreto sa dalan, uban sa suporta sa mga miyembro sa Sangguniang Bayan.
Gipasalig usab sa mayor nga magpadayon ang paningkamot sa lokal nga panggamhanan Nabunturan kauban ang mga opisyal sa probinsya ug distrito, aron madugangan pa ang mga proyekto ug serbisyo nga makahatag og kaayohan sa katawhan sa Nabunturan.
Photo courtesy: Mayor My-My-Clarin- Balili
