Nadakpan sa kapulisan ang usa ka 34-anyos nga lalaki nga mananagat ug bag-ong nailhang Street-Level Individual (SLI) atol sa buy-bust operation sa Purok 1, Barangay Poblacion, Dimataling, Zamboanga del Sur, mga alas 11:55 sa gabii, Oktubre 20, 2026.
Gipahigayon ang operasyon sa mga personahe sa Dimataling Municipal Police Station, kauban ang Provincial Intelligence Team sa Zamboanga del Sur, Regional Intelligence Unit 9, ug 2nd Zamboanga del Sur Provincial Mobile Force Company, sa koordinasyon sa PDEA-9.
Na-recover gikan sa suspetsado ang lima ka gagmayng plastic sachet sa gituohang shabu, buy-bust money, ug usa ka kaha sa sigarilyo nga giingong gigamit nga sudlanan sa ilegal nga droga.
Gidala ang suspetsado ug ang mga nakumpiskang ebidensiya sa Dimataling Municipal Police Station alang sa hustong disposisyon.
Samtang, isumite sa Zamboanga del Sur Provincial Forensic Unit sa Camp Abelon, Pagadian City, ang gituohang ilegal nga droga alang sa forensic examination.
Photo courtesy: Magnific
