Naghatag og libreng spaying ug castration services alang sa mga iro ug iring ang City Agriculture Office (CAO) pinaagi sa Veterinary Service Division sa City Auditorium niadtong Oktubre 21 hangtod 22, 2026. Tumong sa programa nga mapalambo ang responsableng pag-atiman sa mga binuhi, mapugngan ang pagkaylap sa rabies, ug makontrol ang pagdaghan sa mga hayop nga walay tag-iya.
Giawhag ni CAO Veterinarian IV Dr. Jeff Reonal ang mga pet owner nga magpahimulos sa serbisyo. Kinahanglan rehistrado, nabakunahan, ug himsog ang mga binuhi aron mahimong kwalipikado.
Nagpasalamat usab ang pet owner nga si Charlene Mae Montecillo sa libre nga serbisyo ug giawhag ang ubang tag-iya sa binuhi nga moapil sa susamang mga programa.
Photo courtesy: San Carlos City, Neg. Occ. -LGU Information Page
