Gipasidunggan ang mga Tagumenyo scholar sa lokal nga panggamhanan sa Tagum City atol sa kalihokan nga gipahigayon sa City Hall Atrium niadtong milabay’ng adlaw. Kabahin kini sa Enhanced City Educational Scholarship Program sa LGU-Tagum.
Dungan niini, gipanghatag usab ang pinansyal nga tabang ngadto sa mga kuwalipikadong estudyante sa kolehiyo. Lakip sa gipasidunggan ang duha ka scholar nga malampusong nakahuman sa ilang kurso sa kolehiyo, ingon man ang tulo ka E-CESPRO scholars nga nakapasar sa Civil Engineers Licensure Examination niadtong bulan sa Septiyembre tuig 2026.
Kabahin ang maong kalihukan sa panggamahanan lokal sa Tagum alang sa pag-atiman sa mga buot nga mogradwar ug makabaton ug maayong trabaho sa umaabot nga panahon.
Photo Courtesy: LGU-Tagum
