Porcausa Con El Malandug Camino Ya Man Baliscat El Un Fish Carrier Truck, Que Ta Maneja Si Alberto Bustillo Legpitan 43 Anios Des Del Kalang Drive Barangay Sangali, Que Ya Ocuri Del Ayer Pasada Alas 4 Del Tarde Na Mcll Highway Sitio Pamingitan Del Mencionao Barangay Donde Abordo Tambien El De Este Pajinante Si John Bert Bustillo Legpitan El Truckman.
Mientrastanto Na Initial Imbestigasyon Ta Aparece Que Antes Pa De Ocuri El Insidente, El Truck Ta Viaja Estava Na Iligan Y En Camino Para Na Sangali Y Medio Corre Segun El Carere De Este, Donde Ya Precuar Segun Este Desbiya Con El Otor Vehiculo, Y Cuando Ya Prena Este Y Cay Porcausa Con El Malandug Camino Ya Ferde El De Este Control Y Ya Man Baliscat.
Ademas Nohay Man Tambien Pasa Ni Nada Con El Driver Y De Este Pajinante, Donde Ya Salle Lang Destrosao El Truck.
