Gilaraw sa Cooperative Development Authority (CDA) Region 9 ang pagpalig-on sa capacity building program alang sa tanang kooperatiba sa rehiyon aron mapauswag ang ilang kahibalo, kahanas sa pagdumala sa organisasyon. Matud ni CDA 9 Regional Director Ruben Cunanan, usa lang kini sa mandato nga gitutukan ug lakip usab niini ang paghatag ug access alang sa mga kooperatiba alang sa financing institution para mapalambo ang panginabuhian
Gisaysay ni RD Cunanan, sila usab ang mag-endorso sa mga financial institution aron mailhan sa mga Micro Small and Medium Enterprises (MSMEs) ang mga programa sa mga partner agencies sa CDA- 9 para sa dugang pagpauswag sa ilang operasyon. Pinaagi niini mahimong mas mapalig-on ang pagdumala sa mga kooperatiba, lakip na ang pagpauswag sa ilang pinansyal nga kahimtang, operasyon ug paghatag og serbisyo ngadto sa ilang mga miyembro.
Tumong niini nga mas mahimong lig-on, epektibo ug malungtaron ang mga kooperatiba sa rehiyon, nga makatampo usab sa pagpalambo sa panginabuhian ug ekonomiya sa mga komunidad.
