Mainitong gidawat sa Bureau of Fire Protection (BFP) Region VIII si FSSUPT Crosbee B. Gumowang, DSC, isip bag-ong Acting Regional Director sa maong ahensiya sa Eastern Visayas.
Gilaoman nga ubos sa iyang pagpangulo, ipadayon sa BFP Region VIII ang ilang mga programa ug serbisyo alang sa pagserbisyo sa katawhan, pagpanalipod sa kinabuhi ug kabtangan, ug pagseguro sa kaluwasan sa mga komunidad sa rehiyon.
Atubangon karon ni Gumowang ang hagit sa pagdumala sa umaabot nga kalag-kalag ilabi na sa pagsiguro sa hapsay ug luwas nga UNDAS 2026. Gipasiugda usab sa ahensiya ang ilang padayong pasalig sa pagpalig-on sa serbisyo sa pagpalong sa sunog, pagpugong sa sunog, ug pagpanalipod sa publiko batok sa mga peligro ug emerhensiya.
Photo courtesy: BFP 8
