Gipahinumduman sa Social Security System (SSS) ang mga miyembro nga nangutang pinaagi sa Emergency Loan niadtong Marso nga hangtod sa Nobyembre 30 ang deadline sa pagbayad sa ilang amortization alang sa Oktubre. Nagsugod ang pagbayad karong bulana human sa unom ka bulan nga moratorium o temporaryong paghunong sa pagbayad.
Gidasig sa SSS ang mga miyembro nga susihon ang ilang My.SSS account aron mahibal-an ang tukmang kantidad sa binulan nga hulog ug ang takdang petsa sa pagbayad. Alang sa mga empleyado, kinahanglan nilang pahibaloon ang ilang mga employer aron masiguro ang hustong kaltas ug pag-remit sa bayad.
Samtang, ang mga self-employed, voluntary ug Overseas Filipino Workers (OFW)nga miyembro kinahanglan mangayo una og Payment Reference Number (PRN) sa dili pa mobayad pinaagi sa mga awtorisadong payment channel sa SSS.
Photo courtesy: SSS
