Pito na ka mga Overseas Filipino Workers (OFWs) ang nasamdan, diin tulo kanila ang anaa sa kritikal nga kahimtang, sumala sa pinakabag-ong taho sa Department of Migrant Workers (DMW), nga gipahibalo sa Department of Foreign Affairs (DFA) niadtong Lunes, Oktubre 19.
Matud sa DFA, nagtinabangay ang ahensiya ug ang DMW sa padayong koordinasyon sa mga awtoridad sa Saudi Arabia aron mahatagan og tabang ang mga Pilipinong naapektuhan sa kagubot human sa pagpang-atake sa King Khalid International Airport niadtong Sabado.
Nagpahayag usab ang DFA og pahasubo sa mga pamilya sa mga namatay ug nanghinaot nga dali nga makarekober ang mga nasamdan.
Nanawagan usab ang ahensiya sa tanang partido nga undangon na ang paggamit sa kapintasan ug sulbaron ang panagbangi pinaagi sa malinawon nga paagi ug diplomasya.
Samtang, gipahinumdoman ang mga Pilipino sa Saudi Arabia nga mosunod sa mga pahimangno sa lokal nga mga otoridad ug kanunay nga makig-ugnayan sa embahada ug sa Philippine Consulate General.
Photo courtesy: Explained PH
