Nagplano ang Department of Agriculture (DA) nga suspendihon sulod sa 60 ka adlaw ang pag-isyu sa Sanitary and Phytosanitary Import Clearances (SPSIC) alang sa pipila ka klase sa giangkat nga karne sa baboy.
Matud ni Agriculture Secretary Francisco Tiu Laurel Jr., sakop sa posibleng suspensiyon ang liempo, kasim ug pigue. Giklaro ni Tiu Laurel nga sa tunga-tunga pa sa Nobyembre mahimong ipatuman ang maong restriksiyon, subay sa legal nga proseso.
Kini human gisugdan sa DA ang imbestigasyon sa pagdaghan sa imported pork nga posibleng naghulga sa lokal nga mga mag-uuma ug prodyuser sa baboy.
Samtang, matud ni Tiu Laurel, adunay igo nga suplay sa karne sa baboy ang nasud alang sa sunod nga 170 ka adlaw, ug dili lauman nga mosaka ang presyo niini sa dili pa ang Pasko.
Photo courtesy: Department of Agriculture
