Gitapos na sa Triathlon Association of the Philippines ug sa mga lokal nga panggamhanan sa San Francisco, Tudela ug Poro sa Camotes Island, Cebu ang pagpangandam alang sa 2026 National Age Group Triathlon Series nga ipahigayon karong Oktubre 24 hangtod 25.
Gilauman nga kapin sa 500 ka mga atleta ang moapil sa maong duha ka adlaw nga kompetisyon. Matud sa mga organizer, nagtumong ang kalihokan nga mahatagan ang mga lokal nga triathlete og higayon nga mapauswag ang ilang kahanas, makasinati sa nasyonal nga kompetisyon ug mapalig-on ang panaghiusa sa komunidad sa multisport sa Pilipinas.
Tulo ka kompetisyon ang gilakip sa maong serye nga naglakip National Age Group Duathlon nga pahagimoon sa Oktubre 24 sa Tudela Central School ug sundan sa Aquathlon sa Santiago Beach Resort sa San Francisco.
Samtang, ang NAGT Triathlon ipahigayon sa Oktubre 25, sugod alas sais sa buntag sa Santiago Beach Resort.
Photo courtesy: TRIATHLON ASSOCIATION OF THE PHILIPPINES
