Gipahibalo sa bantogang Filipino figure skater ug 2 ka higayon nga Winter Olympian nga si Michael Christian Martinez ang iyang pagbalik sa kompetisyon human sa halos 5 ka tuig nga pagpahulay. Sulod sa maong panahon, gipunting ni Martinez ang pagbansay sa mga batan-ong atleta sa figure skating.
Gikumpirma sa atleta nga motambong siya sa 2026 Philippine National Figure Skating Championships karong Nobyembre, diin magsaulog usab siya sa iyang ika-30 nga adlawng natawhan.
Gitinguha usab ni Martinez nga makabalik sa internasyonal nga kompetisyon sa 2027. Ang iyang pagbalik nagtimaan sa laing yugto sa iyang karera isip usa sa mga iladong atleta sa figure skating sa Pilipinas.
Photo courtesy: Olympics.com
