Dakpan ang usa ka 53-anyos nga lalaki tungod sa pagpayuhot sa ilegal nga drogas atol sa gipahigayong buy-bust operation didto sa Purok Molave, Barangay Sulangon, Dapitan City, Zamboanga del Norte niadtong nakalabay nga adlaw.
Narekober sa operasyon ang pito ka heat-sealed transparent plastic sachet nga adunay sulod sa gituohang shabu, nga giban-banang adunay gibug-aton nga tulo ka gramo ug standard drug price nga ₱20,400.
Gipangunahan ang operasyon sa mga personahe sa City Drug Enforcement Team o CDET sa Dapitan City Police Station nga mi-resulta sa malampusong pagkasikop sa suspetsado.
Ang nadakpang gidala gilayon ngadto sa Dapitan City Police Station alang sa tukmang disposasyon. Samtang, ang mga nakumpiskang gituohang illegal nga drugas isumiter sa Zamboanga del Norte Provincial Forensic Unit alang sa chemical examination.
