Nakadawat karon og nagkalainlaing reaksyon ug batikos ang miyembro sa P-pop girl group nga Baby Dolls nga si Juby Sabino human niya ipaambit ang iyang damgo bahin sa aktor nga si Donny Pangilinan.
Nahisgutan kini sa pagbisita sa pito ka miyembro sa Baby Dolls sa programa nga Gandang Gabi, Vice niadtong Domingo, Oktubre 18, 2026, diin si Vice Ganda ang host.
Atol sa ilang paghisgot sa kanta nga “Oohh Lala Baby,” gipangutana ni Vice ang matag miyembro kon kinsang sikat nga lalaki ang ilang celebrity crush nga ilang gihunahuna sa mga linya sa maong kanta.
Nagkalainlain ang ilang tubag. Si Darren Espanto ang gihangaan ni Jelai Ahamil, si River Joseph ang crush ni Eriel Reyes, si Adie ang paborito ni Ina Ortega, si Joseph Marco ang crush ni Arianne dela Cruz, si James Reid kang Chloe Florendo, ug si Brent Manalo kang Johaira Moris.
Apan ang tubag ni Juby maoy nakadani sa dakong pagtagad sa mga tumatan-aw human niya giangkon nga mas misamot ang iyang pagkagusto kang Donny Pangilinan human niya kini madamgohan. Matod pa niya, dili kaayo niya kini crush kaniadto, apan usa ka gabii, iyang nadamgohan ang aktor nga matud pa nga kine-keme siya.
Nangutana pa si Vice kon natapos ba ang maong damgo, ug mitubag si Juby og “Opo,” nga maoy nakapakatawa sa host ug sa iyang mga kauban sa grupo.
Tungod sa maong pagpadayag, nakadawat og lainlaing reaksyon si Juby sa internet. Apan ang iyang gisaysay kabahin lamang sa usa ka damgo, ug wala kini magpasabot nga adunay nahitabo tali kanila sa tinuod nga kinabuhi.
Photo courtesy: IMDb
