Nailhan na ang patayng lawas sa usa ka lalaki nga nakagapos ug padulong na sa pagkadugta dihang napalgan sa usa ka pinyahan sa Barangay Maligo, Polomolok, South Cotabato, hapon sa Oktubre 17, 2026.
Giila ni Kristine Victoriano ang namatay nga iyang igsoon nga si Leonardo “Lot-lot” Victoriano, 40 anyos, residente sa Prk. 30, Pag-asa Village, Barangay Mabuhay, General Santos City, nga gikatahong missing sukad Oktubre 11, 2026.
Matod ni Kristine, kataposang nakita ang iyang igsoon sa alas 1:00 sa kadlawon niadtong Oktubre 11 sa Pag-asa Village, General Santos City.
Sa pagkakaron, gihaya na sa ilang panimalay ang patayng lawas ni Leonardo Victoriano ug ihatud sa kataposan niining kapahulayan karong Oktobre 21,2026, samtang nagpadayon ang lawom nga imbestigasyon sa kapulisan aron maila ang mga responsable sa maong krimen ug matino ang motibo niini.
