Nakit-an sa mga astronomer sa labing unang higayon ang usa ka berde nga bituon o green star sa kalawakan nga gihinganlan og WD J1330+6435. Kini usa ka white dwarf nga nahimutang 280 ka light-years ang kalayo gikan sa Earth. Sumala sa pagtuon nga gipangulohan sa astrophysicist nga si Mark Hollands gikan sa University of Warwick sa England, nakuha sa bituon ang kolor nga chartreuse green human kini mikaon sa mga nahibiling debris sa mga planeta nga nagpalibot niini.
Gipasabot sa mga eksperto nga ang taas nga density sa nahisgutang white dwarf ang nagdugtong ug nagpalukso sa mga helium atom ngadto sa mga sodium atom. Tungod niining sige nga pagkabangga, nabag-o ang makita nga kahayag sa bituon diha sa spectrum. Inay sa naandan nga kolor kahel o puti, gi-absorb sa mga atom ang mga kolor nga dalag ug pula, samtang gipagawas usab niini ang usa ka talagsaon nga berdeng kahayag nga panagsa ra kaayo makita sa mga bituon.
Kining makasaysayanong diskobre nga gipatik sa journal nga RAS Techniques and Instruments nagpamatuod nga ang tibuok universe puno sa mga makalingaw ug dili ordinaryong mga katingalahan nga mahimong itandi sa mga estorya sa science fiction.
Photo courtesy: Mark Garlick/ University of Warwick
