Dakpan ang usa ka hamtong nga lalaki sa buy-bust operation sa kapulisan batok sa ilegal nga droga sa alas-12:20 sa kaadlawon niadtong Oktubre 21, 2026, sa lungsod sa Ipil, Zamboanga Sibugay.
Gipangulohan sa Station Drug Enforcement Team o SDET sa Ipil Municipal Police Station, kauban ang 903rd Regional Mobile Force Battalion 9, ang maong operasyon nga miresulta sa pagkasakmit sa lima ka heat-sealed plastic sachet nga adunay puti nga kristal nga substansiya nga gituohang shabu. Ang mga nakumpiskang substansiya gibanabanang motimbang og lima ka gramo, nga adunay standard drug price nga ₱34,000.
Gawas sa gituohang shabu, nakumpiskar usab sa mga operatiba ang usa ka 500-pesos nga marked money, mga kwartang gigamit isip boodle money, ug uban pang mga butang kung asa gihimo ang pagmarka ug pag-imbentaryo sa mga nakumpiskang ebidensiya atubangan sa usa ka opisyal sa barangay ug representante sa media.
Ang mga nakumpiskang substansiya gipadala sa Zamboanga Sibugay Forensic Unit alang sa qualitative ug quantitative examination, samtang ang nadakpang suspek gidala sa Ipil Municipal Police Station alang sa hustong disposisyon. Padayon ang paningkamot sa kapulisan sa pagpakigbatok sa ilegal nga droga sa probinsiya.
