Mibisita sa Mahogany Market sa Tagaytay City Cong. Doc Marley Hasim aron mangita og mga ideya ug maayong pamaagi nga mahimong ikonsiderar sa pagpauswag sa bag-ong Ipil Public Market.
Atol sa pagbisita, gitan-aw ang sistema sa pagdumala sa merkado, pag-organisar sa mga pwesto sa mga vendor, ug mga pamaagi nga makatabang sa paghatag og mas hapsay ug komportableng serbisyo sa mga namaligya ug mamalitay.
Tumong niini nga makakuha og mga maayong praktis nga mahimong ipahiangay sa kahimtang ug panginahanglan sa komunidad sa Ipil. Pinaagi niini, gilaoman nga ang bag-ong Ipil Public Market mahimong mas organisado, limpyo, hapsay ug mas angay nga sentro sa panginabuhian sa mga negosyante ug pagpamalit sa katawhan.
Photo courtesy: Doc Marley Hofer T. Hasim FB
