Nakighiusa ang 36 ka partner line agencies ug pribadong institusyon sa gipahigayon nga Bayanihan para sa Balikbayang Manggagawa – National Reintegration Network (BBM-NRN) Fair 2026 kagahapon, Oktubre 20, 2026, sa probinsya sa Bukidnon.
Gipahinumdom sa mensahe ni Bukidnon Governor Rogelio Neil P. Roque ang bug-at nga sakripisyo ug pagsagubang sa mga OFW aron lang masuportahan ug matubag ang mga panginahanglanon sa ilang pamilya nga nabilin sa Pilipinas busa angay gayod hatagan sa gobyerno og igong pagtagad ang mga bag-ong bayani pinaagi sa paspas, makatarunganon, ug gikinahanglan nga mga serbisyo ug oportunidad sa panginabuhian
Gipasiugda sab ni Department of Migrant Workers (DMW) Region X OIC Regional Director Emmanuel G. Toledo nga ang pangunang tumong sa maong aktibidad mao ang paghatag og igong pag-ila sa dakong kontribusyon sa mga OFW sa pagpalambo sa ekonomiya sa nasod, nga nakatala og $35.63-billion nga remittances niadtong tuig 2025
Pinaagi sa maong kalihokan, gidala sa usa ka dapit ang usa ka One-Stop Shop diin gipahigayon ang jobs fair, libre nga medical ug health services, eye checkups, ug ang libre nga Migrants Brew gikan sa Overseas Workers Welfare Administration (OWWA) alang sa mga Overseas Filipino Workers (OFWs) ug sa ilang mga pamilya.
Photo courtesy: LGU – Bukidnon
