Naangol ang usa ka 26-anyos nga lalaki nga taga-Sitio Legmon, Barangay Pongol, Libona human gidunggab sa wala pa mailhing suspek sa Purok 4, Barangay Imbatug, Baungon, Bukidnon, kaganihang alas 1:00 sa kaadlawon, Oktubre 19, 2026.
Base sa taho sa kapolisan, miaparta lamang ang biktima aron badlongon ang gubot tali sa iyang ig-agaw ug sa suspek, apan kalit nga nagkuha og kutsilyo ang suspek ug gidunggab kini sa ubos nga bahin sa iyang likod dayon nisibat sa wala matino nga direksyon.
Dali nga gidala ang biktima sa Northern Mindanao Medical Center (NMMC) sa Cagayan de Oro City alang sa pagpatambal
Gitan-aw sa kapolisan nga selos maoy motibo sa maong insidente. Padayon sab karon ang gipahigayong follow-up operation ug imbestigasyon sa Baungon Municipal Police Station aron madakpan ang suspek ug mahatagan og hustisya ang biktima
Photo courtesy: Baungon Municipal Police Station
