Gibuytag ni Gingoog City Mayor Eric Cañosa nga gipalig-on pa sa syudad ang ilahang pagpangandam sa El Niño pinaagi sa paglunsad sa El Niño Response Committee kung asa nagkadaiyang buhatan ang nakatutok ug nakaandam sa pagtubag sa panginahanglan sa mga katawhan nga maapektuhan sa hulaw.
Lakip na diha ang City Disaster and Risk Reduction Management Office kon CDRRMO ngadto na sa Barangay DRRMC aron nga mutan-aw sa kahimtang sa matag komunidad. Inubanan sa City Agricultures Office nga mu-inventory sa mga pananom ug agrikultural nga panginabuhian sa mga tao.
Pagatutukan sab ang mga irigasyon sa mga umahan ug water sources sa matag barangay. Kini aron masuta kung asa pa pwede makakuhag tubig kung muabot sa sitwasyon nga magkulang na ang suplay.
Gidugang pa sa Mayor ang pagsiguro nga adunay limpyo ug luwas nga tubig mainom sa mga katawhan. Samtang nahisgutan sab sa opisyal ang plano sa syudad nga iduso ang renewable energy isip laing alternatibo nga makuhaan og enerhiya labi pa nga posible kining maapektuhan tungod sa El Niño.
Photo courtesy: Gingoog City Information Office
