Nakaplagang patay ang usa ka 66-anyos nga lalaki sa Purok 8, Cabancaban, Barangay Tablon, Cagayan de Oro City, human kini madigyas sa bakilid nga batoon nga bahin sa Hillside area sa maong lugar.
Giila ni Police Major Romel Ejem ang biktima nga si Wenceslauro Nob, residente sa Purok 8, Cabancaban, Barangay Tablon. Base sa inisyal nga impormasyon, gituohang ang lihok mismo sa biktima maoy hinungdan sa iyang pagkadigyas sa batoon nga dapit, diin naigo ang iyang ulo.
Wala nay kinabuhi ang lalaki sa dihang nakaplagan. Gikinahanglan pa ang dugang nga pag-usisa aron matino ang tinuod nga mga sirkumstansiya sa maong insidente.
