Magpagawas ang Department of Labor and Employment (DOLE) og upat ka labor advisories karong Nobyembre aron maprotektahan ang mga trabahante labina kadtong kasagaran mabilad sa init sa adlaw tungod sa El Niño. Sumala kay DOLE Secretary Francis Tolentino, kabahin sa mga plano ang paghatag og benepisyo pinaagi sa Employees’ Compensation Commission (ECC) alang sa mga kwalipikadong maaksidente o masakit tungod sa grabeng kainit samtang nagtrabaho.
Ginatapos na usab sa ahensya ang mga lagda bahin sa heat index, lakip na ang posibleng pagsuspinde sa trabaho kung moabot sa peligroso nga antas ang temperatura. Makigtagbo usab ang DOLE sa mga kumpanya ug mga grupo sa delivery riders ug platform drivers aron hisgotan ang pagpahunay o pagpalugak sa trabaho gikan alas-12 sa udto hangtod alas-3 sa hapon diin pinakainit ang adlaw.
Lain pang nakalatag sa advisories ang pagtugot sa pagsul-ob og komportable apan disenteng bestida sa trabahoan ug ang pagpatuman sa staggered working hours o pag-adjust sa oras sa pag-abot ug pag-uli. Pagatinguhaon ni Tolentino nga mailabas ang tanang advisories karong Nobyembre ug naglaum siya sa pakigtulambay sa mga employer alang sa kaluwasan ug kalusugan sa mga mamumuo.
Photo courtesy: Department of Labor and Employment – DOLE
