Gipasiugda ni Cagayan de Oro City Mayor Klarex Uy ang panginahanglan sa padayon ug lig-on nga panag-uban sa kapulisan, Department of Education o DepEd, ug mga opisyal sa barangay aron mapalig-on ang kalinaw ug seguridad sulod ug palibot sa mga tunghaan.
Matod ni Janboy Actub, Spox ni Mayor Klarex UY, isip amahan ug apohan, nabalaka ang Mayor sa kaluwasan sa mga bata ug gusto niyang masiguro nga luwas ang ilang palibot samtang nag-eskwela.
Gilaoman usab nga ang presensya sa mga otoridad makatabang sa pagpugong sa mga dili maayong binuhatan sa pipila ka estudyante. Dugang pa ni Actub nga nagpasalamat usab si Mayor Uy sa mga opisyal sa barangay nga nagsilbing mga katuwang sa gobyerno sa pagmintinar sa kalinaw ug kahapsay sa mga eskwelahan.
Photo courtesy: Cagayan de Oro City Information Office
