Gidakop sa mga otoridad sa Cologne, Germany ang usa ka robot human kini giingong nanghasi ug nanghikap sa lubot sa usa ka 16-anyos nga dalagita gawas sa usa ka fast-food restaurant.
Sumala sa taho sa Cologne Police, gawas sa pagpanghikap, naghimo usab ang maong humanoid robot og mga malaw-ay nga lihok atubangan sa biktima.
Apan duda ang mga otoridad nga adunay mga tawo nga nagkontrola sa lihok sa robot, hinungdan nga giapil usab nila pagdakop ang duha ka batan-ong lalaki nga nag-edad og 16 ug 19 anyos ug gikumpiska ang ilang mga cellphone.
Giimbestigahan na karon sa mga otoridad kon ang maong insidente gi-livestream ba sa social media ug kon tuyo ba kining gi-program aron manghasi og tawo.
Photo courtesy: IGNITE
