Dakpan ang usa ka lalaki human sa gipatumang buy-bust operation sa Barangay Macambol, Mati City, Davao Oriental pasado alas 3:10 sa hapon niadtong nakalabay nga adlaw.
Gihimo ang operasyon pinaagi sa personahe sa Mati City Police Station, kauban ang PIU-DOPPO ug sa koordinasyon sa PDEA Davao Oriental nga miresulta sa pagkasikop ni alyas “Caloy”, 32-anyos nga security guard.
Ang suspek nadakpan human mitunol sa drogang shabu nga gibana-banang mitimbang sa 26.98 gramos ug adunay standard drug price nga ₱183,464.00 ug nasakmit usab ang usa ka coin purse ug ₱500 nga buy-bust money.
Kasong paglapas sa Republic Act No. 9165 kun Comprehensive Dangerous Drugs Act of 2002 ang atubangon sa dinakpan ug sa pagkakaron anaa na siya sa kustodiya sa kapulisan alang sa tukmang disposisyon.
Photo courtesy: Mati CPS
