Giklaro sa Mati City Police Station ang post sa usa ka netizen nga mikaylap sa social media, mahitungod sa giingong dili hustong pagkaparking sa SWAT patrol car sa Mati City.
Gipasabot nga ang maong insidente nahitabo atol sa usa ka sitwasyon, diin adunay commotion nga nanginahanglan dayun sa presensya ug dali nga pagtubag sa kapulisan.
Ang posisyon nga gigagmit sa SWAT patrol car gitawag nga combat parking technique nga nagpasabot sa pagtubag sa insidente ug pagtabang sa pagkontrolar sa sitwasyon. Gituyo ang maong pagkaposisyon aron makatabang sa pagsiguro sa palibot ug pagpanalipod sa kaluwasan sa mga tawo nga anaa sa maong lugar.
Gipaklaro usab nga kini gihimo subay sa panginahanglan sa sitwasyon ug dili aron supakon ang balaod sa trapiko sa dakbayan.
Photo courtesy: Mati CPS
