Gipaniguro ni Ret. PCOL. RUBEN M. PIQUERO, Chief sa City Public Safety and Security Office nga walay mahitabo nga maoy-maoy ug riot atol sa umaabot nga Sambuokan Festival sa dakbayan sa Mati karong Oktubre 29, 2026.
Matod pa ni Piquero nga mas pakusgan pa nila uban sa mga kapulisan ug kasundalohan ang ilang security aron nga mapatuman ang kalinaw ug kahapsay sa maong kalihokan.
Kini nga inisyatiba nagpakita sa seryosong pagpaningkamot sa mga otoridad nga masiguro ang kaluwasan sa mga residente, partisipante ug mga bisita nga motambong sa pista.
Samtang, giawhag usab ang publiko nga motuman sa mga lagda ug regulasyon, makigtambayayong sa mga otoridad, ug magpakita og disiplina aron masiguro ang malinawon ug luwas nga pagsaulog sa Sambuokan Festival.
