Andam na ang House Prosecution Panel sa pag-cross-examine sa mga saksi nga ipresentar sa kampo ni Bise Presidente Sara Duterte sa pagpadayon sa impeachment proceedings nga gikatakdang ipahigayon sa Nobyembre 9 hangtod 13, Nobyembre 19 hangtod 20, ug Nobyembre 23.
Matod ni Lead Prosecutor ug Representative Gerville Luistro, nag-andam na ang panel sa mga pangutana bisan wala pa madawat ang opisyal nga listahan sa mga saksi sa depensa.
Lakip sa mga isyung gitan-aw sa prosekusyon ang mga alegasyon kalabot sa pinansyal nga mga kabtangan sa Bise Presidente, nga gisusi pinaagi sa mga dokumento sama sa bank records, tax returns, SALN, insurance policies, ug investment records.
Lauman nga magpokus ang sunod nga mga pagdungog sa pagklaro sa mga alegasyon ug pagduki sa mga pahayag ug ebidensiya nga ipresentar sa duha ka kampo subay sa proseso sa impeachment.
