Gilaumang ipakatap sa tibuok Metro Manila ang kapin sa 26,000 ka pulis alang sa seguridad sa Undas 2026. Tumong niini nga masiguro ang kaluwasan sa mga mobisita sa mga sementeryo, memorial park ug columbarium sa maong rehiyon.
Matud ni NCRPO Officer-in-Charge Police Brigadier General Christopher Abrahano, anaa na sa full alert status ang ilang mga personnel ug dugay na usab nga nangandam alang sa maong kalihokan.
Andam na usab ang mga plano sa seguridad sa matag district director ug station commander aron masiguro ang hapsay nga pagpatuman sa mga operasyon.
Lakip usab sa ilang pagpangandam ang ika-49 nga ASEAN Summit ug mga kalambigit nga summit nga ipahigayon sa Metro Manila gikan sa Nobyembre 16 hangtod 18.
Photo courtesy: Philippine News Agency
